Como elaborar un plan de xestión de datos?

Acción formativa orientada a adquirir os coñecementos necesarios para planificar e xestionar os datos derivados de proxectos de investigación, elaborar adecuadamente un plan de xestión de datos e familiarizarse cos requirimentos de Horizonte Europa e doutras entidades financiadoras nesta materia.

Esta formación, dirixida a investigadores e doutorandos dos centros da Rede CIGUS e a persoal das universidades do SUG, programouse durante dous anos consecutivos. As sesións tiveron lugar o 10 e 11 de novembro de 2022 e os días 16 e 18 de outubro de 2023, tendo unha duración de 4 horas en ambas edicións.