Seis contratos para iniciarse na carreira investigadora no CiMUS

O Centro Singular de Investigación en Medicina Molecular e Enfermidades Crónicas (CiMUS) da Universidade da Santiago, que pertence á Rede CIGUS, unha iniciativa promovida pola Xunta de Galicia que aglutina os centros do sistema que acreditaron a súa excelencia científica; ofrece seis contractos predoutoramento a tempo completo, dun ano de duración, cuxa finalidade é apoiar proxectos de investigación e realizar teses dirixidas por IP do centro.

No marco de actividades e programas de I+D+i da USC, o CiMUS acaba de abrir a VI convocatoria dos seus contratos predoutoramento, dirixidos a persoas que formen parte dun programa de doutoramento da USC e cuxa dirección de tese estea a cargo dun IP do CiMUS.

A relación contractual cos candidatos seleccionados terá unha duración máxima e improrrogable de 12 meses e cada una das contratacións estará dotada dun salario bruto total de 1266,99 €/mes.